पाहशील जितक्यांदा चोर नजरेने
फुलतील तितक्यांदा मोर नजरेने
तुझ्या पापण्या ह्या माझा मोरपिसारा
पाहताच मजला का मिटतो हा बरा?
लाजशील जितक्यांदा चोर नजरेने
लावशील तितक्यांदा घोर नजरेने
ही ओढ कुठली मज ओढुन नेते
हे बांध कुठले मज तोडू न देते
खुणावशील जितक्यांदा चोर नजरेने
बांधशील तितक्यांदा दोर नजरेने
सांग सखे मी कसा शांत राहु?
वाटे सदैव मला का तुलाच पाहु?
छळशील जितक्यांदा चोर नजरेने
सोसशील तितक्यांदा जोर नजरेने
-सत्यजित.
This entry was posted
on Friday, 11 July 2008
at 2:52:00 PM
and is filed under
दिल से...
. You can follow any responses to this entry through the
comments feed
.
