मायबोली.कॉमच्या दिवाळी अंकात प्रसिद्ध झालेली ही बालकविता.
बप्पा तुला पेंटींगला केवढा मोठ्ठा पेपर
सका्ळी संध्याकाळी वेगवेगळे वेगळे कलर
बप्पा तुझ्या पेंटींग मध्ये ढग कीती छान
दडुन बसला सुर्य बघतो हळुच काढुन मान
अरे!डोंगराच्या पेंटींगवर पाखरांचे थवे
रोज कसे देतोस सांग आकार नवे नवे
शुभ्र ढगां देतोस का पावसाळ्यात टांग
विजे साठी वापरलास रंग कुठला सांग
पावसाच्या पेंटींगवर थेंब खरे खरे
सप्तरंगी धनुष्य काढलेस कसे बरे?
रात्री तुझ्या डब्यातले रंग संपतात का रे
काळ्या पांढर्या रंगानीच रंगवतोस का सारे
पट्टी, कंपास शिवाय कसं जमत तुला रे?
उन्हाळ्याच्या सुट्टीत माझी ट्युशन घेशील का रे?
बप्पा तुला पेंटींगला केवढा मोठ्ठा पेपर
सकाळ संध्याकाळी वेगळे वेगळे कलर...
सत्यजित.
This entry was posted
on Tuesday, 25 November 2008
at 1:02:00 AM
and is filed under
|| श्री चरणी ||,
छोट्या छोट्या पिल्लांसाठी
. You can follow any responses to this entry through the
comments feed
.
