कैफ हा मराठीचा
झिंग ही मराठीची
डाव हा मराठीचा
पैज ही मराठीची

ही अपुली मायबोली
आम्ही तीची लेकरे
तुम्हा आम्हाला जोडते
नाळ ही मराठीची

ज्ञानोबाच्या बोटांतली
आली आमुच्या ओठी
देखणी ती लेखणी
लेक ही मराठीची

थोरा संतांना भुरळ
घाली हिचा घाट
पुरवावी तरी उरते
हौस ही मराठीची

अभंगाची गोडी इथे
इथे लावणीचा बाज
सोवळ्या श्रुंगाराची
मौज ही मराठीची

कशाची ही भीती?
कशा हीची चिंता?
युगे वादळे झेलते
शीड ही मराठीची....

अर्थ हिचे सैनिक
झाले शब्दांवर आरुढ
पुढे पुढे चालते
फौज ही मराठीची

-सत्यजित.