Miss call

अवेळी तिचा असा
मिस कॉल आला
अन स्वप्नांचा ताफा
सहलीला निघाला

ती रंगीत स्वप्न
जेंव्हा रंगात आली
आवेळी पुन्हा मग
मला जाग आली

कसे विचारे म्हणून
फक्त प्रश्नचिन्ह टाकले
एका अर्जाला जोडले
मी कितीक दाखले

न दाखल्यांची दखल?
न चिन्हाची चिंता?
एक गाठ सोडविताना
झाला भलताच गुंता

वाचला होता मेसेज
की नव्हता कळे ना
वा निरोपाची पावती
मिळता मिळे ना

काही क्षणातच का
इतका अस्वस्थ झालो?
ती देईल रिप्लाय
उगा आश्वस्त झालो

न कॉल येतो
न मिसकॉल येतो
मी माझ्या मनाला
मिसकॉल देतो

तेवढ्यातच तिथून
तिचा Hi येतो
'सॉरी हं चुकून'
असा रिप्लाय येतो

मिसकॉल होता मग
कसा कनेक्ट झाला?
मिसकॉलच होता
अता डिस्कनेक्ट झाला.