छान छान छान देवा
छान छान छान
भली मोठी सोंड तुझी
सुपा एवढे कान ||
कधी मोदकाचे ताट
कधी दुधामध्ये साखर
कधी तुला पुरणपोळी
कधी नुसती भाकर
सगळ्यांचं सगळं कसं
गोड लागतं सांग?
तरीच तुझ्या दर्शनाला
एवढी मोठी रांग... |
कधी असतोस पिटुकला तर
कधी डोंगरा एवढा
खात नाहीस तरी तुला
प्रसाद हा केवढा?
अरे का नाही खातं काहीच
एवढं तरी सांग
हे माझ्यासाठीच मागवतोस ना
आईला तरी सांग... |
एवढा छोटा उंदीर तुझी
ओढतो कशी गाडी?
आटोमॅटिक असावी ती नुसती
Acting करतो buddy
दोस्ती असते भारी तुझी
दोस्ती आपली जान
सगळ्यांचीच काळजी घेतोस
देवा तू महान….. |
केवढी सुंदर आरास तुझी
किती हा झगमगाट
डोळे मिटून मागायचं तर
किती हा गोंगाट
पण माझी पण आहे
डेंजर दंगेखोर गँग
सगळेच आम्ही नाचतो भारी
धडांग धडांग ढ्यांग...
धडांग ढ्यांग ढ्यांग.. धडांग ढ्यांग ढ्यांग...
धडांग ढ्यांग ढ्यांग...ढ्यांग ढ्यांग...ढ्यांग ढ्यांग... ढ्यांग ढ्यांग....
ए नाचो... गणपती बाप्पा मोरया!!!
No comments:
Post a Comment