Monday, June 8, 2020

ब्रेकींग न्यूज

बागडून जाशील वाटलं होतं
तू घालून गेलास थैमान
सखा सखा म्हणता म्हणता
तू झालास कसा सैतान?

सैतान मला म्हणायला
जीभ कशी धजावली तुझी?
अरे तुमच्या पापांची
सांगा कुठवर व्हायची ओझी?

मग काय?
बिचारा पाऊसच तो....

पाऊस पडला रात्रभर
पाऊस रडला रात्रभर...
स्वतःलाच दोष देत
पाऊस कुढला रात्रभर....

आता..
उदास उदास पडून राहील
खितपत राहील चिखला मध्ये
नाकारलेलं ते एकटं पोरं
वाहत राहील नाल्या मध्ये...

कुणाच्या खांद्यावर कुणाचे ओझे...

पुन्हा दाखवतील ब्रेकींग न्यूज
मथळे बदलेल वर्तमान
मुंबईत पावसाचा कहर
पुन्हा पावसाचे थैमान....

-सत्यजित.

No comments:

Post a Comment