देव मानणं

उपयोगी त्याला देव मानणं
इतकं साधं गणित आहे
वाटल्यास तुमचेही पुजू दोनचार
तसेही इथे अगणित आहेत

झाडे, नद्या, प्राणी, पक्षी,
किडे मुंग्या सगळेच देव
ग्रह, तारे, चंद्र, सूर्य
दगडा मध्येही दिसतो देव

गाय पवित्र आहे कारण
तीच तर खरी कामी येते
आईचा सुकता पान्हा
तीच तर तीच दूध देते

सांगा देवाच्या लेकराला
नांगरला कुणी झुंपत का?
लेकरा साठी आलं दूध
सांगा कोणी चोरत का?

शेळ्यांच अन डुकराला जर
नांगराला जोडता येत असेल
पुजू आम्ही त्यांनाही जर
नांगर ओढत येत असेल