आवरायचे सांग कसे? सांगायचे काय मनाला?
इंद्रधनूचे वेध लागलेत श्रावणातल्या उन्हाला
तू ऋतू होऊनी येशील... होशील श्रावण धारा
सूर मल्हाराचे देतील... ह्या खांबां वरल्या तारा
हो सर, ये सरसावूनी तशी तू ... दूर नको राहुस
मी मग, हात पसरूनी घेईन... अंगोपांगी पाऊस
एक इवलासा नाजूक कोंब... दाखवायचाय तुला
त्या इवल्याश्या पातीवरती... बांधू स्वप्नांचा झुला
ही प्रेमाची भरती आहे की उधाणलेला सागर
मी भरकटलेली नौका तू स्थिर-स्थावर नांगर
माझ्या वेडाला या सांग.. मी काय उतारा देऊ
तू हो म्हणालीस तर बरं.. नाहीतर आख्यायिका होऊ...
-सत्यजित.
No comments:
Post a Comment