आपुली कविता

लिहू द्यावी प्रत्येकाला आपुली कविता
प्रत्येक कविता तुम्हाला कळेलच असे नाही
प्रत्येक कविता तुम्हाला भिडेलच असे नाही
दिसणार नाहीत तुम्हाला कवीने पाहिलेले सूर्य
किंवा त्याने अनुभवलेला अंधकार
तो रडला असेल तेंव्हा त्याने साधलं असेल का मीटर?
तो हसला असेल तेंव्हा त्याने तोडलं असेल का मीटर?
असे प्रश्न जर तुम्हाला पडत असतील तर..
 तुम्ही न वाचलेलीच बरी कविता...
लिहू द्यावी प्रत्येकाला आपुली कविता