पाऊस (बाल कविता)

मोठ्ठा पाऊसलागला
धो धो पडायला
आभाळातला देवबप्पा
लागला असेल रडायला

देवबप्पाने हट्टाचा
लावला असेल सपाटा
देवबप्पाच्या आईने
घातला असेल धपाटा

जोरात रडला देवबप्पा
नद्या लागल्या वहायला
देवबप्पाला हसवायला
वारा लागला गायला

रडताना काढला फ़ोटो
म्हणून देवबप्पा चिडला
धडामकन आवज करून
आभाळातच पडला

पाणीच पाणी चोहीकडॆ
शाळेला दिली सुट्टी
तेव्हा पासून बप्पाशी
माझी जमली आहे गट्टी . . .

- सत्यजित.

http://satyajit-m.blogspot.com/