रंगात आलेली संध्याकाळ
तुझ्या आठवणीत भिजलेली
माझ्या स्वप्नांची फ़ुलं
रात्रीच्या प्रतिक्षेत निजलेली
त्या स्वप्नांच्या कळ्यांना
बेधुंद गंध आहे
फ़ुलपाखरांस विचारांच्या
तुझाच छंद आहे
आळवीत अवीट राग
वारा संथ वाहे
ह्या जादूई क्षणात
विरहाची खंत आहे
स्मरून ये त्या वचनांस
तुज चांदण्यांची शपथ आहे
तू चंद्र होऊनी ये मनाचा
मन तिमीर जपत आहे. . .
सत्यजित.
No comments:
Post a Comment